Brıýssel halqy únemdeý saıasatyna qarsy narazylyq aktsııasyn ótkizdi
BRıÝSSELЬ. 22 aqpan. QazAqparat - Brıýsselde qatań únemdeý saıasatyna qarsy narazylyq aktsııasy ótti, oǵan 40 myńǵa jýyq adam qatysty.
Belgııa kásipodaqtarynyń málimdeýinshe, narazylyq sharasy jalaqylar men zeınetaqylardy ındeksteýdi toqtatý týraly belgııalyq bıliktiń sheshimine qarsy baǵyttalǵan, bul ınflıatsııa jaǵdaıynda satyp alý qabiletiniń tómendeýine ákep soǵady.
21 aqpan kúni sherýshiler kolonnasy Brıýsseldiń Soltústik vokzalynan Ońtústik vokzalyna deıin júrip ótti. Narazylyqtyń kásipodaqtyq aktsııasyna baılanysty, Brıýsseldiń birqatar kvartaldarynda qozǵalys shekteldi.
Jaǵdaı sondaı-aq narazylyq aktsııasyna Belgııa astanasynyń qoǵamdyq kólikteri jumyskerleriniń qatysqanymen shıelenise tústi. Bul qoǵamdyq kólikterdiń aıtarlyqtaı úzilistermen jumys isteýine, jáne qalalyq kóshelerde kóptegen keptelisterdiń paıda bolýyna ákelip soqtyrdy.
