Brıýsseldegi jarylystan zardap shekkender sany 316 adamǵa jetti
ASTANA. QazAqparat - Brıýsseldegi lańkestik saldarynan sońǵy málimetter boıynsha 32 adam qaza taýyp, 316-sy jaralanǵan. Onyń ishinde 121 adam áli aýrýhanada jatyr, dep habarlady «RIA Novostı» agenttigi Belgııa Densaýlyq saqtaý mınıstrligine silteme jasaı otyryp.
Eske sala ketsek , 22 naýryz kúni Brıýsseldiń «Zaventem» áýejaıynda eki jarylys boldy. Budan bir saǵattan keıin qala ortalyǵyndaǵy «Maelbek» metro stansasyndaǵy vagonda taǵy bir jarylys jasaldy.
Oqıǵa saldarynan 32 adam kóz jumǵan. Brıýsseldegi jarylystardyń jaýapkershiligin «Islam memleketi» (IM) ekstremıstik toby moınyna aldy.
Foto: Irına Kalashnıkova
