Brıýsseldegi terakt kezinde keltirilgen zalaldy mıllıard eýroǵa baǵalady
ASTANA. QazAqparat - Belgııada 22 naýryzda oryn alǵan teraktterden keltirilgen zalaldy eseptedi. Ekonomıkalyq shyǵyndy 935,2 mln eýroǵa nemese ulttyq ІJÓ 0,1% baǵalady, dep habarlady NTV.ru.
Belgııa ekonomıka mınıstrliginiń aqparatynsha, saýda aınalymy aǵymdaǵy jyldyń birinshi toqsanynda eń kemi 122,5 mln eýroǵa tómendedi. Flandrııada 33 mln jáne Vallonııada 20 mln eýroǵa azaıdy.
Sonymen qatar, memlekettegi salyq jınaý 760 mln eýroǵa qysqardy. Negizinen týrıstik kompanııalar shyǵynǵa ushyrady. Sondaı-aq, qonaq úı, meıramhana bıznesi jáne buqaralyq oıyn-saýyq sharalar salasy zardap shekti, dep jazdy RIA Novostı.
22 naýryzda Brıýsselde birneshe lańkestik oqıǵa oryn alǵan bolatyn. Bul kúni «Zaventem» halyqaralyq áýejaıynda jáne «Malbek» metro stansasynda jarylystar boldy. 32 adam lańkester shabýylynyń qurbany boldy, ondaǵan adam jaraqattandy.
