Brıýsseldegi Grekııa konsýldyǵynda tótenshe oqıǵa boldy
BRıÝSSELЬ. 27 qańtar. QazAqparat - "Sársenbi, 26 qańtar kúni Brıýsseldegi Grekııa konsýldyǵynda tótenshe oqıǵa boldy. Polıtsııaǵa konsýldyqtyń bólmeleriniń birinde kúdikti túıinshektiń tabylǵany týraly dabyl túskennen keıin mekemeniń barlyq qyzmetkerleri qaýipsiz jerge jedel kóshirildi", -
dep habarlaıdy «RIA «Novostı» agenttigi jergilikti «Kontakt» radıostansasyna silteme jasap.
Derek kózdiń habarlaýynsha, dabyl túse salyp oqıǵa ornyna armııa saperlarynyń toby jetken, olar qazir konsýldyqtyń ishi-syrtyn muqııat tekserýde.
Ótken jyldyń jeltoqsan aıynyń ortasynda Rımdegi Grekııa elshiliginde ishine bomba salynǵan sálemdeme-qorap tabylǵan bolatyn. Osyndaı ishine bomba salynǵan sálemdeme-qoraptar Rımdegi Shveıtsarııa men Chılı elshilikterinde jarylyp, eki adam jaralanǵan edi. Italıandyq anarhısterdiń málimdeýinshe, ishine bomba salynǵan sálemhattardy taratý «Revolıýtsııalyq kúres» tobynyń múshesi, byltyr naýryz aıynda Afınyda polıtsııamen bolǵan qaqtyǵysta oqqa ushqan grek anarhısi Lambros Fýndastyń isiniń jalǵasy.
