Brıýsseldegi daýys berýshiler 100 paıyz saılaýǵa qatysqan
BRıÝSSELЬ. 4 sáýir. QazAqparat /Dımash Syzdyqov/ - Ortalyq Eýropa ýaqyty boıynsha saǵat 20.00-de Brıýsselde QR Prezıdentiniń kezekten tys saılaýyna daýys berý aıaqtaldy.
Bul týraly Qazaqstan jýrnalısterine bergen suhbatynda №119-shy Brıýssel saılaý ýchaskesi ýchaskelik saılaý komıssııasynyń tóraǵasy Erjan Qystafın málim etti.
«Jalpy alǵanda, daýys berýshiler 100 paıyz saılaýǵa keldi. Qazirgi tańda komıssııa daýystardy sanaýǵa kiristi. Sodan keıin QR Ortalyq Saılaý komıssııasyna qajetti hattama jiberiledi», - dep atap ótti saılaý komıssııasynyń ókili.
Esterińizge sala keteıik, Ortalyq Eýropa ýaqytymen saǵat 15.00-degi jaǵdaı boıynsha Brıýsseldegi saılaýshylardyń 90 paıyzdan astamy QR Prezıdentiniń kezekten tys saılaýynda óz tańdaýlaryn jasaǵan bolatyn. Al saǵat 17.00-degi saılaýshylardyń sany 97 paıyzdy quraǵan.
QazAqparat buǵan deıin habarlaǵandaı, Brıýsseldegi saılaý ýchaskesi Belgııa, Nıderlandy jáne Lıýksembýrg elderinde turyp jatqan nemese ýaqytsha júrgen qazaqstandyq saılaýshylardy qabyldaýda. Olardyń qatarynda - qazaqstandyq dıplomattar men olardyń otbasy músheleri, eýropalyq ınstıtýttarǵa tirkelgen jýrnalıster, zııaly qaýym, bıznes ókilderi jáne stýdent jastar bar.
