Brıýsselde júzdegen adam ING Group bankiniń qysqartýlaryna qarsy shyqty
ASTANA. QazAqparat - ING Group bankiniń Brıýsseldegi shtab-páteri aldynda júzdegen adam ereýildetip jatyr. Olar bank basshylyǵynyń 7 myń jumysshyny qysqartý týraly josparyna qarsy. Óıtkeni sol sheshimniń kúshimen 3 jarym myńdaı belgııalyq azamat jumyssyz qalaıyn dep otyr, dep jazady «Habar 24».
Al qarjy ortalyǵynyń ókilderi bul qadam Ispanııa, Italııa, Frantsııa, Avstrııa jáne Chehııadaǵy bólimsheleriniń sandyq platformasyn damytý úshin jasalǵanyn aıtady.
Qysqartýlar 52 myń mamany bar kompanııanyń 12% qyzmetkerine qatysty. Myńǵa jýyq adam qarjy ortalyǵynyń ózinen emes, ortadaǵy merdiger fırmalardan alynady. Degenmen, eń kóp qysqartý Belgııadaǵy bólimshede júrgizilmek. Eldegi kásipodaq qyzmeti basshysynyń aıtýynsha, bank basshylyǵy qyzmetkerlerdiń múddesin emes, bas paıdasyn oılap otyr.
«Qysqartýlar barlyq salada júrgizilmek. 3500 adam jumyssyz qalady jáne muny sandyq platforma ornatý maqsatynda dep aqtalady. Meniń oıymsha, másele basqada. Bank óz baǵytyn ózgertip, salymshylarǵa túsetin qarjyny kóbeıtýdi kózdep otyrǵan syńaıly», - deıdi Sotsıalıster kásipodaǵynyń bas hatshysy Jan-Mıshel Kappoen.
