Brıýsselde úırekterdiń kesirinen eki tramvaı soqtyǵysyp, 14 adam zardap shekti
ASTANA. 18 maýsym. QazAqparat - Brıýsselde eki tramvaıdyń qatysýymen jol-kólik oqıǵasynyń nátıjesinde 14 adam zardap shekti. Bul oqıǵa Belgııa astanasynyń ortalyǵyndaǵy qozǵalystyń shektelýine ákep soqty, dep habarlaıdy «RosBıznesKonsaltıng».
Tótenshe jaǵdaıǵa úırekter kináli bolǵany anyqtaldy. Tramvaılardyń biriniń júrgizýshisi 18 maýsym kúni tańerteń týnnelden shyǵyp kele jatyp, qala ortalyǵyndaǵy relsterden túsiniksiz kóleńkeni baıqap qalǵan. Sol kezde er adam mashınany toqtatýǵa sheshim qabyldap, apattyq jaryqty qosady.
Alaıda, osy quramnyń artynan kele jatqan tramvaıdyń júrgizýshisi toqtap turǵan tramvaıdy ýaqytynda baıqamaı, mashınaǵa kelip soǵylǵan. Nátıjesinde qos tramvaı da relsten shyǵyp ketken.
JKO saldarynan zardap shekken adamdar aıtarlyqtaı jaraqat alǵan joq. Al tramvaılardyń soqtyǵysýyna relsterde serýendep júrgen eki úırek sebepker bolǵan.
