Brıýsselde urylar 2 mınýttyń ishinde murajaıdan 1 mıllıon eýronyń kartınalaryn urlap áketti
ASTANA. 18 shilde. QazAqparat - Keshe túnde Brıýsselde bolǵan urlyq kimdi bolsyn tań qaldyratyny haq. Báz bireýler Van Býren murajaıynan óte qymbat birneshe kartınany qoldy qylǵan, dep habarlaıdy RBK.
Baýkespeler ǵımaratqa kirý úshin eshqandaı aıla-sharǵy oılap, qınalmaǵan kórinedi. Kádimgideı terezesin syndyryp kirgen. Dabyl júıesi de iske qosyldy, polıtsııa qyzmetkerleri de ózderin kóp kúttirmedi. Alaıda onyń bári urylarǵa kedergi bolmapty. Qymbat kartınalardy olar nebári 2 mınýttyń ishinde alyp shyqqan.
Ázirge Djeıms Ensor men Kes Van Dongenniń eki týyndysy urlanǵany belgili. Urlanǵan sýretterdiń jalpy quny shamamen 1,2 mıllıon eýrony qurady.
Van Býren murajaıynda Orta ǵasyrda ómir súrgen flamandyq jáne ıtalıandyq qyl qalam sheberleri men qazirgi zaman sýretshileriniń eńbekterinen birshama sýretter jınalyp qalǵan edi.
Galereıa jetekshileri murajaıdaǵy qaýipsizdik sharalaryn kúsheıtip, budan bylaı saq bolýǵa ýáde berdi.
