Brıýsselde «tusaýkeser» rásimi ótkizildi - fotoreportaj

BRıÝSSELЬ. QazAqparat - Qazaq halqynyń mańyzdy salt-dástúrleriniń biri - «tusaýkesý». Balanyń bolashaqtaǵy ómiri jeńil jáne jarqyn bolsyn degen nıetpen onyń aıaǵyna ala jip baılanyp, pyshaqpen kesiledi. Belgııadaǵy QR elshiligi qazaqstandyqtar men sheteldiń qonaqtarǵa arnap osyndaı dástúr ótkizdi, dep habarlaıdy QazAqparat menshikti tilshisi.

«Naýryz meıramynyń» qarsańynda Qazaqstan elshiliginde Belgııada turatyn qazaqstandyqtarǵa, jergilikti turǵyndarǵa arnalyp ulttyq salt-dástúr ótkizýge uıǵardy. Kishkentaı otandasymyz Qasym Ysqaqov taıaýda bir jasqa tolǵan edi. Onyń ata-anasy Belgııadaǵy QR konsýly Danııar Ysqaqov pen onyń jubaıy Zarema Ysqaqova bizdiń tilshige osy sharadan fotoreportaj jasaýǵa kelisim berdi. Elshilikke qonaqtar, solardyń ishinde otandastyrymyz ben jergilikti turǵyndar keldi. Osy sharaǵa qatysý maqsatynda Qazaqstannan arnaıy balanyń ata-ájesi keldi. Onyń tusaýyn kesýdi Belgııadaǵy QR Tótenshe jáne Ókiletti elshisi Marǵulan Baımuhannan ótindi.

Qazaqstandyq dıplomat qonaqtarǵa ejelgi dástúr, onyń mańyzy týraly qonaqtarǵa aıtyp berdi. Sonan soń Qasymdy quttyqtap, onyń ómirde úlken jetistikke jetýin tiledi. Dástúr boıynsha balanyń aldyna birneshe zat qoıyldy. Ol sonyń bireýin qalaýy arqyly ómirlik jolyn tańdaıdy dep esepteledi.

Qazaqstannyń kishkentaı azamaty sport dobyn tańdady. Qonaqtar qazaqtyń ulttyq asynan dám tatyp, ári qaraı áńgime-dúken qurdy.