Brıýsselde tuńǵysh ret «Qaragóz» dramasy qoıyldy

BRıÝSSELЬ. QazAqparat - Muhtar Áýezovtyń «Qaragóz» klassıkalyq týyndysy tuńǵysh ret Brıýssel sahnasynda qoıylda, dep habarlaıdy «QazAqparat» HAA menshikti tilshisi.

Respýblıkalyq akademııalyq nemis drama teatrynyń ujymy 7 jeltoqsanda Shıller men Geteniń tilinde belgııalyq jurtshylyqqa Áýezovtyń dramasyn qoıdy.

«Qazaq mádenıetiniń altyn qoryna kirgen bul qoıylymdy tórt jyl boıy daıyndadyq. Sahnada keıipkerler Muhtar Áýezovtyń ózi sıpattaǵandaı áserli oınap shyqty», - dedi teatr rejısseri Natalıa Dýbs.

Qoıylym Germanııadan kelgen tanymal horeograf Florıan Bılbao zamanaýı horeografııamen kórkemdele tústi.

Respýblıkalyq akademııalyq nemis drama teatrynyń gastroli «Uly Dala teatry» kontserttik týry aıasynda ótip jatyr. Bul «Rýhanı jańǵyrý» baǵdarlamasynyń halyqaralyq mádenı jobalarynyń biri sanalady.

5 jeltoqsanda Respýblıkalyq akademııalyq Nemis teatry Parıjdegi  Varete teatrynda «Qaragózdi» sahnalaǵan bolatyn .

Eske salsaq, Eýropada «Uly Dala teatry»  gastroldik týry ótip jatyr. Basty maqsat - «Rýhanı jańǵyrý» baǵdarlamasy aıasynda Germanııa, Frantsııa, Avstrııa, Belgııa jáne Reseı sahnalarynda el mádenıetin tanytý.