Brıýsselde TRASEKA-nyń birinshi ınvestıtsııalyq forýmy jáne segizinshi jyl saıynǵy úkimetaralyq komıssııasynyń (ÚAK) otyrysy bolls
ASTANA. Qazannyń 19-y. QazAqparat - 2010 jylǵy qazannyń 11-13-i aralyǵynda Brıýssel qalasynda (Belgııa Koroldigi) TRASEKA-nyń birinshi ınvestıtsııalyq forýmy jáne TRASEKA-nyń segizinshi jyl saıynǵy Úkimetaralyq komıssııasynyń (ÚAK) otyrysy bolyp ótti. Oǵan Qazaqstan Respýblıkasy kólik jáne kommýnıkatsııa mınıstrliginiń ókili qatysyp qaıtty, dep habarlaıdy QR Kólik jáne kommýnıkatsııa mınıstrliginiń baspasóz qyzmeti.
TRASEKA-nyń birinshi ınvestıtsııalyq forýmy TRASEKA dálizine qarasty kólik jobalaryn sýbsıdııalaýdy iske asyratyn túrli Halyqaralyq Qarjy Instıtýttarynyń (HQI) basyn qosty.
Investıtsııalyq forým aıasynda TRASEKA-ǵa qatysýshy elderdiń Eýrokomıssııamen sáıkestendirilgen birqatar ınfraqurylymdyq jobalary tanystyryldy. Olardyń ishinde Qazaqstannyń 3 jobasy tanystyryldy, olar: TRASEKA-nyń quramdas bóligi jáne Eýropa men Azııa arasyndaǵy dálizdiń damýynda basty ról atqaratyn Jezqazǵan - Beıneý temirjol jelisiniń qurylysy, Aqtoǵaı - Dostyq jáne Moıynty - Aqtoǵaı temirjol ýchaskesin elektrlendirý jobalary.
Forýmǵa qatysqan elderdiń ókilderi ortaq múddelerdi nyǵaıtýǵa baǵyttalǵan birlesken jumysta ózderiniń basym nazaryndaǵy nysandardy qarjylandyrýda ártúrli Halyqaralyq Qarjy ınstıtýttarynyń (HQI) mańyzy zor ekendigin atap ótti.
HQI jobalardy qarjylandyrýdyń jańa joldarynyń qajettiligin atap ótti. Eń basty nazardy ınvestıtsııalyq jobalarǵa aýdarý mańyzdy. Óıtkeni olar ekonomıkalyq ınfraqurylymdardy modernızatsııalaýǵa septesedi jáne olardyń ózara qosylýyna jáne Qarjylyq Damý Instıtýttar qurýyna ákeletin Eýroodaqtyń ekonomıkasyna kirigýdi qoldaıdy.
HQI men elder TRASEKA-nyń keleshektegi dálizi úshin birlese jumys atqarýǵa kelisti.
Investforýmnyń barysynda TRASEKA óńiriniń kólik ınfraqurylymyn damytý máselesi boıynsha birqatar bankter men múltımodaldik operatorlardyń ókilderimen kezdesýler ótkizildi (Dúnıejúzilik bank, Eýropanyń damý jáne qaıta qurylymdaý banki, Chehııanyń eksporttyq banki, Polzag Gmbh Intermodaldik operatory). Atap aıtqanda, Dúnıejúzilik Banktiń Taıaý Shyǵys pen Soltústik Afrıka óńiriniń turaqty damýy Bóliminiń jetekshi kólik mamany Olivier Le Ber myrza qazaqstandyq ınfraqurylymdyq jobalarǵa qyzyǵýshylyq tanytyp otyrǵandyǵyn jáne ınvestıtsııalyq jobalarǵa qatysý sharttaryn tereńirek zertteý úshin taıaý arada Qazaqstanǵa barý nıeti bar ekendigin aıtty.
ÚAK -nyń 8-shi otyrysy barysynda kún tártibine sáıkes TRASEKA-nyń ÚAK-nyń Turaqty Hatshylyǵyn (TH) qarjylandyrý, Taraptardyń halyqaralyq «Eýropa-Kavkaz-Azııa» kólik dáliziniń 2015 jylǵa deıingi TRASEKA-nyń ÚAK-nyń Strategııasyn iske asyrýdyń 2008-2009 jyldarǵa arnalǵan Іs-qımyl josparyn iske asyrý jónindegi TRASEKA-nyń Negizgi kópjaqty kelisimin oryndaý barysy qaraldy. ÚAK Jospardyń oryndalysy jónindegi esepti qabyldap, Strategııany iske asyrýdyń 2010-2012 jyldarǵa arnalǵan Іs-qımyl josparyn bekitti.
TRASEKA-nyń Іs-qımyl josparyn iske asyrý baǵdarlamasyn qoldaý aıasynda TRASEKA iske asyrylyp jatqan jobalarynyń aǵymdaǵy statýsy qaraldy.
TRASEKA-nyń ÚAK-nyń Turaqty Hatshylyǵyn qaıta qurylymdaý máselesi boıynsha TH-ty qaıta qurylymdaý men TH jónindegi Erejesine ózgerister engizý jóninde Kontseptsııa qabyldandy.ÚAK TRASEKA-nyń básekelestikke qabiletin arttyrý maqsatynda «Aǵymdaǵy taldaý jáne dálizdiń básekelestikke qabiletin arttyrý úshin TRASEKA-nyń ÚAK-nyń TH-na usynylatyn sharalar kesheni» atty qujat bekitildi.
Sonymen birge ÚAK Eýropa-Kavkaz-Azııa kólik dálizimen halyqaralyq avtomobıl tasymaldaýdy damytýdyń, TRASEKA-nyń avtomobıl marshrýttarynyń básekelestikke qabilettiginiń Kontseptsııasyn bekitti jáne Taraptarǵa olardy jumysta qoldanýdy usyndy.
TRASEKA-nyń Derekter bazasyn jáne kólik modelin jasaý aıasynda «Óńirlik kólik dıalogy jáne Eýroodaq elderi, kórshi elder men Ortalyq Azııa elderi arasyndaǵy júıesiniń ózara is-qımyly» jobasy boıynsha jumysynyń aǵymdaǵy qorytyndylarynyń tusaýkeseri ótkizildi.
TRASEKA-nyń 8-inshi ÚAK-nyń aıasynda TRASKA-nyń ÚAK-nyń TH-nyń jańadan Bas hatshysyn saılaý mańyzdy oqıǵaǵa aınaldy. ÚAK-nyń sheshimimen Moldova men Rýmynııanyń TRASEKA ÚAK-yna tóraǵalyq etý kezeńine Moldovanyń azamaty Edýard Bıýrıkov biraýyzdan saılandy. Rýmynııanyń usynysy boıynsha TRASEKA-nyń ÚAK-nyń Toǵyzynshy jyl saıynǵy otyrysy 2011 jylǵy qyrkúıek aıynda Býharest qalasynda ótkiziletin boldy.
