Brıýsselde «Tıtanık onyń jolaýshylarynyń kózimen» kórmesi ashylady
ASTANA. QazAqparat - 31 mamyr men 30 qyrkúıek arasynda Brıýsseldegi ádetten tys kórmege kelýshiler qaıǵyly apatqa ushyraǵan kemeniń jıhazdarymen tanysady. Ekspozıtsııaǵa 5500-ge jýyq zattar qoıylady, olar apatqa ushyraǵan kemeden alynǵan. Jádigerlikter arasynda ydys-aıaqtarmen qatar jaqsy saqtalǵan ıissý qutylary da bar, dep habarlady Euromag.ru.
Árbir kelýshi ózin «Tıtanık» jolaýshylaryndaı sezinedi. Kassada olarǵa ataýly bıletter beriledi. Kórme basshylyǵynyń aıtýynsha, bul kórme oıyn-saýyq orny emes, qaza bolǵandardy eske túsirýge arnalǵan shara. Budan buryn «Tıtanıkten» alynǵan skrıpka bássaýdada 1,6 mln. dollarǵa, al «Tıtanık» jolaýshysynyń haty 200 myń dollarǵa satylǵany habarlanǵan bolatyn.
