Brıýsselde terakti jasaǵan jankeshtilerdiń sýreti jarııalandy
BRıÝSSELЬ. QazAqparat - Brıýssel áýejaıynda lańkestik jasady delingen kúdiktilerdiń sýreti jarııalandy. Olar áýejaıdyń beınebaqylaý kamerasyna túsip qalǵan.
Belgııanyń RTBF tele-radıo kompanııasynyń habarlaýynsha, sýrettegi qara kıingen ekeý - jankeshtiler. Olar áýejaıdyń ushý zalynda ózderin jaryp jibergen.
Aq kıimdegisin qazir polıtsııa izdep jatyr, ol aman qalyp izin jasyryp úlgergen.
Federaldyq prokýror BAQ-ta jarııalanǵan sýrettiń telnusqa ekendigin rastady, ondaǵylar teraktini jasaǵandar dep otyr.
Eske sala ketsek, Seısenbi kúni tańerteń Brıýsseldiń «Zaventem» áýejaıynda eki jarylys boldy. Budan bir saǵattan keıin qala ortalyǵyndaǵy «Maelbek» metro stansasyndaǵy vagonda taǵy bir jarylys jasaldy.
Sońǵy málimetterge sensek, lańkestik áreketter saldarynan 34 adam qaza taýyp, 200-ge jýyq adam jaraqat alǵan bolatyn. El bıligi aldaǵy úsh táýlikti aza tutý kúni dep jarııalady.
