Brıýsselde temir jol vokzalyndaǵy adamdar qaýipsiz jerge kóshirildi
ASTANA. QazAqparat - Brıýsseldiń ortalyq temir jol vokzalynda turǵan jolsandyq kúdik týǵyzyp, ondaǵy adamdardyń barlyǵy qaýipsiz aýmaqqa shyǵaryldy, dep habarlaıdy 24.kz telearnasy.
Polıtsııa ókiliniń aıtýynsha, ıesiz zatty alǵash baıqaǵan tártip saqshysy birden dabyl qaqqan. Biraq kúdikti jolsandyq qaýipti bolmaı shyqty.
Aıta ketken jón, buǵan deıin Belgııa polıtsııasy qalada lańkestikke qarsy operatsııa júrgizip, 12 adamdy tutqyndaǵan edi.
Keıin olardyń toǵyzy bosatylyp, úsheýi qamaýda qaldyryldy. Ázirge kúdik týǵyzǵandardyń lańkestik uıymdarǵa qatysy bary, ne joq ekeni jaıynda naqty aqparat jarııalanbady.
