Brıýsselde taǵdyrly EO sammıti bastalady
BRıÝSSELЬ. 8 jeltoqsan. QazAqparat /Dımash Syzdyqov/ - Búgin Brıýsselde Eýroodaqtyń memleketteri men úkimetteri basshylarynyń sammıti bastalady, ony kópshiligi taǵdyrly dep atap otyr, óıtkeni onda eýroaımaqtyń boryshtyq daǵdarysyn sheshýge baǵyttalǵan birqatar sheshimder qabyldanbaq.
Shara beısenbi kúni keshke EO múshe-memleketteri basshylarynyń beıresmı qonaǵasymen bastalady, onda EO Keńesiniń tóraǵasy Herman Van Rompeıdiń Eýrokomıssııa tóraǵasy Joze Manýel Barrozýmen jáne Eýrotop tóraǵasy Jan-Klod ıÝnkermen yntymaqtastyqta ázirlegen problemalardy sheshý jónindegi usynystary aıtylǵan baıandamasy tyńdalday.
EO memleketteri men úkimetteriniń basshylary qarjy naryqtaryndaǵy sońǵy oqıǵalardy, ekonomıkalyq jáne qarjylyq daǵdarystyń betalysyn talqylap, eýro aımaǵyndaǵy ekonomıkalyq jaqyndasýǵa jáne qarjy tártibin kúsheıtýge, ekonomıkalyq ósimdi nyǵaıtýǵa baǵyttalǵan sharalardy talqylaıdy, sonyń ishinde EO-nyń negizgi kelisimi bolyp tabylatyn Lıssabon shartyn shekteýli túrde ózgertý múmkindikterin zerdeleıdi.
«Talqylaý ázirlengen baıandama negizinde júrgiziledi, onda neǵurlym qýatty ekonomıkalyq odaq qurý baǵytyndaǵy yqtımal qadamdar mazmundalǵan», - dedi sammıt qarsańynda H.Rompeı.
Juma kúni, 9 jeltoqsanda sammıt odan ári jalǵastyrylyp, Horvatııanyń Eýroodaqqa qosylýy týraly shartqa resmı qol qoıylmaq, ol 2013 jyldyń shildesinen bastap, birtutas eýropalyq qurylymnyń tolyq quqyqty múshesi bolmaq.
Budan keıin memleketter basshylary boryshtyq daǵdarys máselelerin sheshý joldaryn odan ári talqylaýǵa kóshedi.
«Kezdesý barysynda sondaı-aq Rýmanııanyń jáne Bolgarııanyń Shengen aımaǵyna kirýi máseleleri talqylanýy josparlanýda, sondaı-aq ırandyq problema boıynsha pikir alysylmaq», - dedi H.Rompeı.
