Brıýsselde shirkeýde aýyzashar berildi
ASTANA. QazAqparat - Belgııa astanasy Brıýsseldiń Molenbek aýdanyndaǵy qasıetti Ioan shirkeýinde osymen ekinshi jyl qatarynan musylman qaýymyna aýyzashar berilip otyr, dep habarlaıdy muslim.kz.
Hrıstıan ókilderiniń shaqyrtýyn 600 adam qabyl alǵan. Ótken jylǵy aýyzashar keshi qalalyq alańda uıymdastyrylyp, oǵan 300-ge jýyq qonaq kelgen bolatyn.
Bıylǵy aýyzashar keshin de alańda ótkizý josparlanǵan edi. Alaıda, aýa raıynyń qolaısyzdyǵynan shara shirkeý ǵımaratynyń ishinde ótkizildi.
«Dinder arasynda arazdyq otyn tutatý ońaı zamanda bul shara - baýyrmaldyqty arttyrýdyń taptyrmas múmkindigi», - deıdi bastamaǵa qoldaý bildirýshiler. Aıta ketsek, Molenbek - Brıýsseldiń bilim salasyndaǵy on eki mýnıtsıpalıtetiniń biri, sondaı-aq belgııalyq musylmandardyń kóp shoǵyrlanǵan mekeni.
