Brıýsselde saılaýshylar úlken belsendilik tanytýda
SSELЬ. 3 sáýir. QazAqparat /Dımash Syzdyqov/ - Brıýsselde saılaýshylar úlken belsendilik kórsetýde.
Bul týraly Brıýsseldegi №119-shy saılaý ýchaskesi ýchaskelik saılaý komıssııasynyń tóraǵasy, Qazaqstannyń Belgııadaǵy elshiliginiń keńesshi-elshisi Erjan Qystafın málim etti.
Dıplomattyń aıtýynsha, saılaýshylar úlken belsendilik tanytýda. «Tirkelgen 250 saılaýshynyń 20 paıyzy, ıaǵnı 50 adam, alǵashqy úsh saǵattyń ishinde daýys berdi», - deıdi dıplomat.
E.Qystafınniń aıtýynsha, Brıýsselde sondaı-aq ómirlerinde alǵash ret daýys berip otyrǵan saılaýshylarǵa syılyqtar jasalýda.
Saılaýda alǵash ret daýys bergen otandasymyz ıÝlııa Kartashova: «Men 18 jastamyn jáne búgin alǵash ret daýys berýge keldim. Men tolqyp turmyn. Belgııada turyp jatqanyma 11 jyl boldy, biraq Qazaqstan azamatymyn jáne men óz saılaý quqyǵymdy júzege asyrýym kerek dep sanaımyn. Bul men úshin mańyzdy. Barsha qazaqstandyqtardy belsendi azamattyq ustanym tanytýǵa shaqyramyn», - dedi.
QazAqparat buǵan deıin habarlaǵandaı, Brıýsseldegi saılaý ýchaskesi Belgııa, Nıderlandy jáne Lıýksembýrg elderinde turyp jatqan nemese ýaqytsha júrgen qazaqstandyq saılaýshylardy qabyldaýda. Olardyń qatarynda - qazaqstandyq dıplomattar men olardyń otbasy músheleri, eýropalyq ınstıtýttarǵa tirkelgen jýrnalıster, zııaly qaýym, bıznes ókilderi jáne stýdent jastar bar.
