Brıýsselde polıtsııa men «sary jıletter» arasynda qaqtyǵys boldy
BRıÝSSELЬ. QazAqparat - Belgııa astanasynda «sary jıletter» qozǵalysy ereýilshileri men polıtsııa arasynda qaqtyǵys bolyp, 100-den astam adam tutqynǵa alyndy, dep habarlaıdy QazAqparattyń menshikti tilshisi.
Senbi kúni sary keýdeshe kıgen 500-ge tarta adam Brıýssel ortalyǵynda ereýilge shyqty. Narazylyq tanytýshylar Eýropalyq odaq mekemelerine barmaq boldy, alaıda myńǵa jýyq tártip saqshysy olardy jibermedi.
Keıbir ashýly ereýilshiler tipti polıtseılermen jaǵa jartysyp, olarǵa tas jáne shólmek laqtyra bastady. Al tártip saqshylary oǵan jaýap retinde sýatqysh pen arnaıy quraldardy paıdalandy.
Polıtsııanyń málimetinshe, búginge deıin 100-ge tarta adam tutqyndalǵan. Biraq bul kórsetkish ýaqyt óte kele ulǵaıa beretin syńaıly.
Jergilikti BAQ-tyń jazýynsha, «Sary jıletter» eldegi birqatar avtomagıstraldardy da jaýyp tastaǵan.
Aıta ketý kerek, «Sary jıletter» narazylyǵynyń sebepteri anyq emes, biraq olardyń talaptary janarmaı baǵasy máselesiniń sheńberinen shyǵyp ketken. Olardyń áleýmettik jelide jarııalanǵan talaptary árqıly: jalaqyny ósirý men salyqty tómendetýden bastap qoǵamdyq kólik jumysyn retteý men úkimettiń otstavkaǵa ketýine deıin jalǵasa beredi.
