Brıýsselde ótken sammıtte Eýroodaq Horvatııany 2013 jyly EO-nyń 28-shi múshesi retinde qabyldaýǵa daıyn ekendigi naqty maquldandy
BRıÝSSELЬ. 25 maýsym. QazAqparat /Dımash Syzdyqov/ - Osy jyldyń 23-24 maýsym kúnderi Eýroodaqqa múshe 27 eldiń memleket jáne úkimet basshylary sammıtiniń barysynda Horvatııany 2013 jyly Eýroodaqtyń múshesi retinde qabyldaýǵa daıyn ekendigi naqty maquldandy. Bul týraly qorytyndy baspasóz máslıhaty barysynda Eýroodaq Keńesiniń prezıdenti Herman Van Rompeı habarlady.
Eýroodaq sheneýniginiń atap ótkenindeı, Eýroodaq Keńesiniń ótken otyrysynda Horvatııany Eýrodaqqa múshe 28-shi memleket retinde qabyldaý úshin negiz ázirlengen. «Biz keńes kelissózderdi osy jyldyń maýsym aıynyń sońyna deıin aıaqtaıdy dep kútýdemiz. Sodan jyl sońyna deıin eldiń qosylýy týraly tıisti kelisimderge qol qoıylady», - dedi H. Rompeı.
Eýrokomıssııa múshesi Joze Manýel Barrozý óz kezeginde Horvatııa 2013 jyldyń 1 shildesinen bastap Eýroodaqtyń 28-shi múshesi bolyp qalýy múmkindigin atap ótti.
