Brıýsselde NATO-ny ári qaraı qaıta qurý máseleleri bekitildi
SSELЬ. 10 maýsym. QazAqparat /Dımash Syzdyqov/ - NATO-ǵa múshe 28 eldiń qorǵanys mınıstrleriniń Brıýsselde ótken májilisinde Soltústikatlantıkalyq alıanstyń mekemeleri men komandalyq qurylymdaryn qaıta qurýdyń birqatar mańyzdy máseleleri naqtylandy.
Bul týraly kezdesý qorytyndysy boıynsha alıanstyń bas hatshysy Anders Fog Rasmýssen málim etti.
NATO basshysynyń aıtýynsha, josparlanǵan reformalar alıansty, keleshektegi problemalardy úzdik sheshe alatyn jınaqy jáne qazirgiden de ıkemdirek qurylymǵa aınaldyrady. «Biz NATO-nyń jerústi qadaǵalaý jáne strategııalyq áýe tasymaldary sııaqty jekelegen jobalaryna jaýap beretin mekemelerimizdi reformalaýǵa kelistik», - dedi A. Rasmýssen.
Oǵan qosa, qorǵanys mınıstrleri NATO-nyń komandalyq qurylymyn da ózgertýge kelisip otyr. «Keıbir shtab-páterler jabylady. Ózgeleri óz jumystaryn jalǵastyrady nemese óz qyzmetterin ózgertedi», -dedi A. Rasmýssen.
