Brıýsselde NATO elderi syrtqy ister mınıstrleriniń keńesi ashylady
ASTANA. Jeltoqsannyń 3-i. QazAqparat - Brıýsselde búgin, seısenbi kúni NATO elderi syrtqy ister mınıstrleriniń ekikúndik keńesi ashylady,
dep habarlaıdy «Azattyq» radıosy.
Keńestiń kún tártibine shyǵarylyp otyrǵan negizgi taqyryptardyń qatarynda Soltústikatlantıkalyq odaq áskeriniń Aýǵanstandaǵy operatsııalarǵa atsalysý máselesi bar. NATO bas hatshysy Anders Fog Rasmýssenniń aıtýynsha, alıans elderi Aýǵanstanǵa, AQSh qosymsha jóneltkeli otyrǵan 30 myń áskerıge qosa, 5 myńdaı áskerı qyzmetker jóneltpek nıette.
Beısenbi jáne juma kúnderi «Ýkraına-NATO» jáne «Grýzııa-NATO» komıssııalarynyń, sondaı-aq «Reseı-NATO» keńesiniń májilisi ótedi.
