Brıýsselde lańkestik áreketke qatysy bar 10 kúdikti ustaldy
ASTANA. QazAqparat - Brıýsselde ekstremıstik baǵyttaǵy qylmystarǵa qatysy bar degen kúdikpen 10 adam qamaýǵa alyndy. Tergeý materıaldary boıynsha olar «Irak pen Levant lańkestik tobyna» jańa ekstremısterdi tartý isimen aınalysqan, dep habarlaıdy 24.kz.
Arnaıy operatsııa kezinde olardan uıaly telefondar men elektrondy aqparattyq materıaldar tárkilendi. Qazir kúdiktilerdiń isimen jergilikti tergeýshiler aınalysyp jatyr. Tipti olardyń keıbiri Sırııaǵa ketýge daıyndalyp júrgen. Belgııalyq barlaý qyzmetiniń málimeti boıynsha, qazir arab elinde 200-den astam azamat lańkester jaǵynda soǵysyp júr.
