Brıýsselde qoǵamdyq kólik júrgizýshileri jol qozǵalysyn bógep, ereýilge shyqty
BRıÝSSELЬ. QazAqparat Brıýsselde qoǵamdyq kólik júrgizýshileri jol qozǵalysyn bógep, ereýilge shyqty. Aktsııaǵa avtobýstar men tramvaı júrgizýshileriniń 80 paıyzy, sondaı-aq júzdegen metro qyzmetkerleri qatysýda.
Brıýsseldiń «STIB» qoǵamdyq kólik operatory-kompanııasynyń qyzmetkerleri 2012 jylǵy sáýirde buzaqynyń qolynan qaza bolǵan áriptesteriniń biri Lıaza Tahırahaǵa qatysty shyǵarylǵan sot úkimine qarsylyq bildirýde. Kóptegen qoǵamdyq kólikter búgin keshke deıin jumysqa shyqpaıtyn boldy. Budan buryn habarlaǵanymyzdaı, 2012 jylǵy sáýirde avtomobıl men avtobýstyń qatysýymen hattama jasaý úshin JKO ornyna kelgen jergilikti STIB kólik kompanııasynyń 65 jasar kondýktory L. Tahıraha soqqyǵa jyǵylyp, artynan alǵan jaoaqattarynan qaza bolǵan. Qylmysker bolsa, oqıǵa ornynan qashyp ketken. Biraq biraz ýaqyt ótken soń, ol polıtsııaǵa ózi kelip, kinásin moıyndady. Sol kúni ol ýdaı mas bolǵan eken. Sot úkimine sáıkes qylmyskerge shartty merzimge úkim shyǵaryldy. Bul sheshim jergilikti kásipodaqtyń narazylyǵyn týdyrdy. Aıta keteıik, Belgııada qoǵamdyq kólik qyzmetkerlerin urý jıi bolyp turatyn jaǵdaı. Bul máselege bıliktiń nazaryn aýdarý úshin birneshe ret narazylyq aktsııalary ótti.
