Brıýsselde Qazaqstannan Eýropaǵa shıkizat eksportynyń keleshegi talqylandy

BRıÝSSELЬ. QazAqparat - Beısenbi kúni Brıýssel baspasóz klýbynda «Qazaqstan men Eýropalyq Odaq arasyndaǵy turaqty paıdaly qazbalar boıynsha yntymaqtastyqty damytý» taqyrybynda paneldik pikirtalas ótti, dep habarlaıdy QazAqparat tilshisi.

Іs-shara eýropalyq sarapshylar men jýrnalısterdiń, sondaı-aq Eýroınstıtýttar qyzmetkerleriniń qyzyǵýshylyǵyn týdyrdy.
Sharaǵa Qazaqstan tarapynan QR Indýstrııa jáne ınfraqurylymdyq damý vıtse-mınıstri Marat Qarabaev, QR Indýstrııa jáne ınfraqurylymdyq damý mınıstrligi «Tehnologııalyq boljaý ulttyq ortalyǵynyń» basshysy Ál-Farabı Ydyryshev jáne Qazaqstannyń Belgııadaǵy Elshiligi keńesshi-elshisi Tımýr Sultanǵojın qatysty.
Eýropalyq taraptan Eýropalyq Komıssııanyń Іshki naryq, ónerkásip, kásipkerlik jáne ShOB bas dırektsııasynyń basshysy Pıter Hendleı qatysty.
Vıtse-mınıstr M.Qarabaev jınalǵandardy Belgııaǵa sapary týraly habardar etti. Atap aıtqanda, Qazaqstan delegatsııasynyń basshysy Eýroparlamenttiń Ónerkásip, zertteýler jáne energetıka komıteti tóraǵasynyń orynbasary Lına Galvez Mýnozben kezdesti.
Vıtse-mınıstrdiń aıtýynsha, taraptar Qazaqstan men EO arasyndaǵy jasyl jáne tsıfrlyq tehnologııalarǵa kóshý jaǵdaıynda shıkizat salasyndaǵy yntymaqtastyq máselelerin talqylady.
Sonymen qatar M.Qarabaev Mysyrda ótken Klımattyń ózgerýi jónindegi jahandyq konferentsııanyń (COP27) Dúnıejúzilik kóshbasshylarynyń sammıti aıasynda Qazaqstan men EO arasynda turaqty shıkizat, «jasyl» sýtegi qunyn qurý batareıalary men tizbekteri salasyndaǵy strategııalyq áriptestik týraly ózara túsinistik týraly memorandýmǵa qol qoıylǵany týraly habarlady.
Memorandým aıasynda qujatty is júzinde júzege asyrý úshin Jol kartasyn ázirleý qarastyrylǵan.
Eýrokomıssııa ókili P.Hendleı eýropalyq tarap Qazaqstanmen mańyzdy shıkizatty ımporttaý salasynda yntymaqtastyqty damytýǵa múddeli ekenin atap ótti.