Brıýsselde qazaqstandyq Qarýly kúshter bólimsheleriniń bitimgershilik daıarlyǵy máseleleri talqylandy (FOTO)
NATO-nyń shtab-páterinde qazaqstandyq qorǵanys vedomstvosynyń ókilderi seriktestik jáne ujymdyq qaýipsizdik jónindegi komıtettiń otyrysynda birlestiktiń 28 eliniń delegatsııalarymen «Josparlaý jáne taldaý úderisi» (JJTÚ) baǵdarlamasy sheńberinde seriktestik maqsattarynyń iske asyrylýyn talqylady.
Baǵdarlamanyń negizgi maqsaty - qazaqstandyq Qarýly kúshteriniń bitimgershilik bólimshelerin daıarlaý jáne baǵa berý. Otyrysqa qatysýshylar atalǵan saladaǵy ózara is-qımyldyń joǵary deńgeıin atap ótip, 2003 jyldan bastap Qazaqstan Qarýly kúshteri jáne NATO elderi bólimsheleriniń qatysýymen jyl saıyn ótkiziletin «Bebitshilik úshin seriktestik» qazaqstandyq oqý-jattyǵý ortalyǵy men «Dala qyrany» bitimgershilik oqý-jattyǵýynyń ári qaraı damýyna qoldaý bildiretindikderin tanytty.
2014 jyly oqý-jattyǵý alǵash ret Qazaqstannan tys jerlerde, dálirek aıtqanda, Germanııada ótken bolatyn. Bıylǵy jyly «Qazbat» rotasy da «Dala qyrany» saıysy sheńberinde birlesip daıyndalý úshin Ulybrıtanııaǵa jóneltiledi.
Sapar barysynda general-maıor Talǵat Muhtarov NATO-nyń Bas hatshysy Aleksandr Vershboýmen kezdesti. Onymen óńirlik jáne jahandyq qaýipsizdik, QR Qorǵanys mınıstrliginiń NATO-men ózara is-qımyly máselelerin talqyǵa saldy. Aleksandr Vershboý Qazaqstanmen yntymaqtastyqtyń jalǵasýyna NATO-ǵa beriletin mán-maǵynany jáne bitimgershilik áleýettiń damýy aıasynda óńirdegi elimizdiń basymdyq baǵyttaryn atap ótti.
Eske sala ketsek, QR Parlamentiniń qaýlysyna sáıkes 2014 jyldan bastap Qazaqstan Batys Saharasy men Kot-d'Ivýardaǵy BUU-nyń mıssııalaryna ózderin kásibı jáne daıyndalǵan ofıtserler retinde usynǵan áskerı baqylaýshylaryn joldaıdy. Bolashaqta qazaqstandyq Qarýly kúshteriniń bitimgershilik bólimshelerin joldaý máselesi qarastyrylýda.
