Brıýsselde qaıyrymdy jandar velosıped jolyn damytýǵa 800 myń eýro bóldi
BRıÝSSELЬ. QazAqparat – «Brıýsseldegi velosıpedter» qory 800 myń eýro jınady. Bul Belgııa astanasynda velosıped ınfraqurylymyn damytýǵa baǵyttalmaq, dep habarlaıdy QazAqparat menshikti tilshisi.
«Brıýsseldegi velosıpedter» qory 2018 jyldyń sońynda quryldy. Belgııa astanasynda velosıped jobalaryn qoldaý úshin demeýshilik qarajatty únemi bólýge kómektesedi.
Qordyń barlyq qarjysy jeke metsenattardan túsedi. Beısenbi kúni Bodýen korol qorynyń saıtynda velosıped ınfraqurylymyn damytýdyń on túrli jobasyna 800 myń eýro kóleminde kezekti ınvestıtsııa salynatyny jarııalandy.
«Maqsat aıqyn: Brıýssel aımaǵynda qaýipsiz jáne tıimdi júrýdiń tańdaýly tásili retinde kóptegen adamǵa velosıpedti tańdaýǵa múmkindik berý»,- delingen Bodýen korol qorynyń saıtynda.
Jaqyn arada Brıýsselde Sýveren býlvaryndaǵy velosıped jolynyń bir bóligin keńeıtý, «VUB» jáne «ULB» ýnıversıtetteriniń kampýstaryn baılanystyrý úshin velosıped ótkelin salý, jergilikti velosıped marshrýttaryna jol belgilerin qoıý josparlanýda.
«Bruxelles Mobilité»-niń sońǵy málimetterine sáıkes, 2020 jyly Brıýsselde velosıpedshiler sany 64%-ǵa artqan.
