Brıýsselde gemofılııa men leıkoz aýrýyna shaldyqqan qazaqstandyq balalardyń sýret kórmesi ótti
BRıÝSSELЬ. QazAqparat - Brıýsselde QR Syrtqy ister mınıstrliginiń qoldaýymen «Shyǵys pen Batys arasynda kópir ornatý» baǵdarlamasy aıasynda «Arman» balalar kórmesi ótti.
Kórmege gemofılııa men leıkoz aýrýyna shaldyqqan balalardyń salǵan sýretteri qoıyldy. Sýret salýda balalarǵa qazaqstandyq tanymal óner qaıratkerleri - sýretshi Marat Bekeev pen músinshi Edýard Kazarıan kómektesti. Atalǵan sharalar aýrýǵa shaldyqqan balalarǵa psıhologııalyq qoldaý kórsetýge baǵyttalǵan artterapııa bolyp keledi.
«Myna jıyn bizdiń Astana, Almaty, Atyraý qalalaryndaǵy balalarmen jasaǵan úsh jyldyq jumysymyzdyń nátıjesi bolyp keledi. Biz búgin osy shara arqyly balalardy bólmeıtindigimizdi kórsetkimiz keldi. Ár bala baqytty bolýǵa, armandaýǵa laıyq», - dedi kórmeniń uıymdastyrýshysy Larısa Indjýdjıan.
