Brıýsselde Eýropa men Azııanyń qarym-qatynas máseleleri talqylandy
Eýropalyq komıssııa uıymdastyrǵan sharaǵa Fınlıandııa, Horvatııa, Japonııa premer-mınıstrleri men Eýropalyq ınvestıtsııalyq bank pen Azııalyq damý bankiniń basshylaryn qosqanda 500-den astam delegat qatysty.
Joǵary deńgeıdegi forým barysynda Qazaqstannyń atynan Energetıka vıtse-mınıstri Murat Júrebaev qatysty. Ol «Ózara baılanys geosaıasaty» paneldik pikirtalasyna qatysty. Onda sóılegen sózinde M.Júrebekov: «Qazaqstan Eýrazııanyń júreginde ornalasa otyryp, Eýropa men Azııanyń arasyndaǵy ózindik kópir ispettes jáne ony aınalyp ótý qıyn»,-dedi.
QR kópvektorly syrtqy saıasaty men Eýrazııalyq ekonomıkalyq odaqqa músheligi týraly aıta kele, ol elimizdiń osy ýaqytta júzege asyryp jatqan baǵdarlamalary arqyly EO-pen yqpaldasýǵa daıyn ekenin jetkizdi.
«Mysaly bizdiń ulttyq ınfraqurylymdyq jobamyz «Bir beldeý-bir jol» atty úlken óńirlik bastamanyń bóligi bolyp tabylady. Bul jobany 122 memleket qoldap otyr, onyń 8-i eýropalyq memleketter»,-dedi M.Júrebekov.
«Biz qazir júzege asyp jatqan baǵdarlamalarǵa básekeles bolatyn bastamalar men strategııalardy qoldamaımyz»,-dep qosty ol.
Energetıka vıtse-mınıstri «jasyl energetıka» salasyna nazar aýdaryp, Eýropa men Azııanyń ózara yqpaldastyǵy boıynsha EO-tyń Strategııasyn júzege asyrý barysynda adam kapıtalyna ınvestıtsııa salýǵa shaqyrdy.
«Biz Eýropa men Azııa arasyndaǵy tranzıt memleket qana emes, EO Strategııasynyń ajyramas bóligi bolǵymyz keledi. ıAǵnı, bz tsıfrlandyrý, modernızatsııa jáne standarttaý salasynda damyǵan el bolǵandy qalaımyz»,-dedi qazaqstandyq sheneýnik.
Aıta keteıik, Eýropa men Azııa arasyndaǵy jyldyq saýda kólem 1,5 trln eýroǵa jetip otyr. Al Eýrazııanyń álemdik Іshki jalpy ónimdegi úlesi 60 paıyz.
Eýropalyq ózara yqpaldastyq forýmynyń aıasynda EO men Japonııa kólik, energetıka jáne tsıfrlandyrý baǵytyndaǵy jobalar boıynsha Eýropa men Azııanyń baılanysyn úılestirý úshin ınfraqurylymdyq kelisimge qol qoıdy.
