Brıýsselde Eýroodaqtyń áleýmettik-ekonomıkalyq saıasatyna qarsy qalyń buqara qatysqan aktsııa ótti
SSELЬ. 25 naýryz. QazAqparat /Dımash Syzdyqov/ - Keshe eýropalyq astana Brıýssel qalasynda «Basqa Eýropa» uranymen Eýroodaqtyń áleýmettik-ekonomıkalyq saıasatyna qarsy qalyń buqara qatysqan is-shara boldy.
Eýroodaqqa múshe 27 eldiń Memleket jáne Úkimet basshylarynyń kezekti Sammıti ótip jatqan kezde Belgııanyń Jalpyqoǵamdyq jumysshylar federatsııasy uıymdastyrǵan aktsııa Brıýssel kóshelerinde 15 myń adamnyń basyn qosty, olar jalaqylardyń avtomatty túrde esepke alýyn jaqtap, zeınetkerlik jastyń artýyna qarsylyq tanytty. Sonymen qatar Eýropalyq kásipodaqtar federatsııasy da eýroodaq bıligin áleýmettik qajettilikterge bólinetin bıýdjettik shyǵyndar ekonomıkasynan tartynýǵa shaqyrdy.
Oqıǵa kýágerleriniń sózine qulaq salsaq, narazylyq tanytýshy bir top adam EO shtab-páteri ornalasqan Brıýsseldiń «eýropalyq aýdanyna» basa kirýge tyrysqan, al sol ýaqytta Eýroodaq Sammıtti bastalyp jatqan edi. Alaıda polıtsııa sý shashatyn qurylǵylar qoldaný arqyly sherýge shyǵýshylardy EO Sammıtine jetkizbeı, toqtatty.
