Brıýsselde Eýroodaq sammıti bastalǵaly jatyr
BRıÝSSELЬ. QazAqparat - Búgin Belgııa astanasynda Eýropalyq Odaq memleketteri men úkimet basshylary EO-nyń beıresmı sammıtine jınalady.
Alqaly jıynǵa qatysýshylardyń Eýroodaqtyń halyqaralyq lańkestikke, atap aıtqanda, «Islam memleketi» jáne «Boko Haram» toptaryna qarsy is-sharalardy jandandyrý joldaryn talqylaıtyny kútilýde. Kóshbasshylar óz jumysyn EO azamattarynyń qaýipsizdigin qamtamasyz etý, radıkaldanýdy boldyrmaý, sondaı-aq Taıaý Shyǵys jáne Afrıka memleketterimen yntymaqtastyq sııaqty úsh negizgi baǵytqa jumyldyrady.
Budan basqa, sammıt barysynda EO-nyń ekonomıkalyq jáne valıýtalyq odaǵy aıasynda tyǵyz úılestirilý mehanızmderin talqylaý josparlanyp otyr.
halEO-nyń beıresmı sammıtiniń aıasyndaǵy taǵy bir taqyryp - Mınsk qalasynda «normandtyq formatta» ótken sońǵy kezdesý kontekstinde Ýkraınadaǵy jaǵdaıdyń damýyn talqylaý.
