Brıýsselde elimizdiń DSU-ǵa enýi boıynsha kelissózder jalǵasýda
ASTANA. Qazannyń 25-i. QazAqparat - Qazannyń 25-26-sy kúnderi Brıýsselde (Belgııa Koroldigi) Ekonomıkalyq damý jáne saýda mınıstri Janar Aıtjanovanyń basshylyǵymen Qazaqstannyń DSU-ǵa enýi aıasynda Eýroodaqpen taýarlar men qyzmetter rynogyna qol jetkizý jónindegi ekijaqty kelissózder ótkiziledi.
Bul aqparatty atalǵan vedomstvonyń baspasóz qyzmeti taratyp otyr.
Mınıstrliktiń habarlaýynsha, qazannyń 26-30-y kúnderi Jeneva qalasynda (Shveıtsarııa Konfederatsııasy) AQSh jáne El-Salvador Respýblıkasymen ekijaqty kelissózder jalǵasyn tabady.
Sondaı-aq Ekvador Respýblıkasymen taýarlar men qyzmetter rynogyna qol jetkizý jónindegi ekijaqty kelissózderdi aıaqtaý týraly hattamaǵa qol qoıý josparlanýda.
