Brıýsselde Covid-19 saldarynan barlar qaıta jabyldy
BRıÝSSELЬ. QazAqparat – Brıýssel qalasynda syrahana, barlar qaıta jabyldy. Qala bıligi koronavırýs ınfektsııasyna shaldyqqan turǵyndar sanyn osylaısha azaıtpaq. Bul týraly QazAqparat Euronews-ke silteme jasap habarlaıdy.
Belgııanyń syra ázirleýshi uıymy bul mekemelerdiń «juqtyrý oshaqtary» ekenine naqty dálelder talap etken. Olar barlarda mindetti túrde dezınfektsııa júrgizilip, maska taǵý jáne adamdar arasyndaǵy ara qashyq saqtalyp otyrǵanyn atap ótti.
Sharl Lekleftiń ata-babalary syrany HІH ǵasyrdan bastap ázirlegen. Naýryz aıyndaǵy lokdaýn kezinde ol óndiristi shamamen 70 paıyzǵa shektegen, alaıda memleket qoldaýynyń arqasynda birde bir qyzmetkerin qysqartpaǵan.
«Biz úshin eń bastysy – jumysqa jaýapkershilik. Bar ıeleri, barmender de ortaq isimizge jaýapty qaraýy tıis. Eger kelýshiler talapty saqtamasa nemquraıdy bolsa, olarǵa buny aıtý kerek, sebebi ishtegilerge qaýipti», - deıdi syra ázirleýshi.
Medıtsınalyq qoǵam professory Gabrıel Skallı Covid-19 taralýyna jol bermeý úshin barlardyń ishin jaqsy jeldetip otyrý qajet dep sanaıdy.
«Bastapqyda biz bul vırýstyń negizinen tamshy arqyly taralady dep oılaǵan edik. Biraq odan da kishkene bóligi dep qaýipti eken. Bul aerozol vırýsty tasymaldaıdy. Biz ony temeki tútini sııaqty dep qabyldaýymyz kerek. Eger bireý jabyq bólmede temeki shekse, onyń tútini barlyq jerge taralady ǵoı. Vırýstyń taralýy da sondaı, sondyqtan jeldetý máselesi óte mańyzdy», - dedi Gabrıel Skallı.
Jazdyń aıaǵyna qaraı aýyrǵan adamdar azaıǵan soń, Belgııada barlardyń jumys rejımi jeńildetilgen, biraq olardyń ıeleri ǵımaratty jeldetý jáne basqa da saqtyq sharalaryn kúsheıtti. Alaıda bul sharalar jınalyp, áńgime-dúken quryp, syra ishkisi keletinderdiń qaýipsizdigi úshin jetkiliksiz bolyp tur.
