Brıýsselde bosqyndarmen «Yntymaqtastyq marshy» ótedi
BRıÝSSELЬ. QazAqparat - Búgin Belgııa astanasynda Eýroodaq aýmaǵyna kelgen bosqyndarmen «yntymaqtastyq marshy» ótedi. Bul týraly belgııalyq «Bosqyndar men sheteldikter úshin úılestirý jáne bastamalar» úkimettik emes uıymynyń Facebook-tegi paraqshvasynda aıtylǵan.
Bul erekshe aktsııasnyń maqsaty - soǵys pen qýdalaýdan óz elderinen Eýropaǵa qashqan adamdarmen yntymaqtastyqty kórsetý. «Yntymaqtastyq marshy» sońǵy aptadaǵy eń buqaralyq aktsııa bolmaq.
«Eýropa onjyldyqtaǵy eń aýkyr kóshi-qon daǵdarysyn bastan ótkerýde. Soǵys pen qýdalaýdan zardap shekken er adamdar, áıelder jáne balalar Eýropadan pana izdep, qaterli saparǵa shyqty. Alaıda olar munda kelgennen keıin de kóptegen kedergilerge jáne tıisinshe qabyldamaý problemalaryna kezigýde»,- delingen belsendilerdiń málimdemesinde.
«Biz birlese otryp, bizdiń úkimetti halyqaralyq mindettemelerdi qurmetteýge, barlyq bosqyndardy qabyldaýda laıyqty jaǵdaı týǵyzýǵa shaqyramyz. Biz ksenofobııa men násilshildiktiń ártúrli kórinisterine «JOQ» deımiz», - delingen Facebook-tegi CIRÉ paraqshasynda.
Facebook-tiń 17 myńnan astam paıdalanýshylary azamattyq yntymaqtastyq aktsııasyna ázir ekendikterin qýattady. Osyǵan baılanysty tústen bastap birneshe saǵatqa ishinara Brıýsseldiń ortalyq kóshelerinde qozǵalys toqtatylady.
