Brıýsselde bir jyl burynǵy terakti qurbandaryn eske aldy
BRıÝSSELЬ. QazAqparat -2016 jyldyń 22 naýryzynda Brıýsselde 32 adamnyń ómirin qıǵan lańkestik aktige bir jyl tolýyna arnalǵan azaly sharalar ótedi, dep habarlaıdy «QazAqparat» HAA menshikti tilshisi.
Eske alý rásimderine koroldik otbasy músheleri, Belgııa basshylyǵy, Brıýssel merııasy jáne eýropalyq ınstıtýt basshylary qatysady.
Kúnniń alǵashqy jartysynda Brıýssel halyqaralyq áýejaıy, «Malbek» metro stansasy sekildi lańkestik shabýyl jasalǵan oryndarda únsizdik mınýttary ótedi.
Eýropalyq ınstıtýttar mańynda terakt qurbandaryna arnalǵan eskertkishti ashý rásimi bolady. Eýrokomıssııa, EO Keńesi jáne Eýroparlament bir mezgilde únsizdik mınýtyn ótkizedi.
Teraktiden zardap shekkenderge kómek kórsetkenderdiń kásibı áreketterine alǵys retinde Brıýsseldiń basty sımvoly - «Shaptyryp turǵan bala» músinine qutqarýshy kostıýmy kıgiziledi.
Eske sala ketsek, 2016 jyldyń 22 naýryzynda DAISh lańkestik uıymymen baılanysy bar eki jankeshti Brıýsseldiń «Zaventem» áýejaıynda eki jarylys jasady. Taǵy bir jankeshti astana ortalyǵyndaǵy «Maelbek» metro stansasynda ózin-ózi jaryp jiberdi. Lańkestik terakt saldarynan 32 adam kóz jumyp, 300 adam jaraqat aldy.
