Brıýsselde Berlın eýrazııalyq forýmynyń otyrysy ótýde

BRıÝSSELЬ. QazAqparat – Búgin Belgııa astanasynda Berlın eýrazııalyq forýmynyń kezekti otyrysy ótip jatyr, dep habarlaıdy QazAqparattyń menshikti tilshisi.

COVID-19-ǵa baılanysty Berlın eýrazııalyq klýbynyń 31-shi otyrysy «gıbrıdti» (aralas) formatta ótýde.

Áıtse de, eýrazııalyq tarap pen qazaqstandyq delegatsııa spıkerleri Steigenberger Wiltcher’s qonaq úıinde ótip jatqan sharda karantındik sharalardy qatań saqtaýda.

Klýbtyń osy otyrysynyń taqyryby – «Qazaqstannyń týrıstik jáne agrarlyq salasyndaǵy áriptestik múmkindikteri – aýyl sharýashylyǵynyń ınvestıtsııalyq jáne eksporttyq áleýetin arttyrý, tulǵaaralyq qatynastarǵa járdemdesý».

Forým jumysyna QR Premer-Mınıstriniń orynbasary – Syrtqy ister mınıstri Muhtar Tileýberdi, Aýyl sharýalyǵy boıynsha EO komıssary ıAnýsh Voıtsehovskı, Reseı, «Shyǵystyq áriptestik», Ortalyq Azııa, óńirlik áriptestik jáne EQYU-nyń Eýropalyq syrtqy baılanystar boıynsha bas dırektory Mıhael Zıbert pen Eýropalyq saıasat ortalyǵy kýratory, burynǵy EO-nyń komıssary qatysýda.

Budan bólek, onlaın formatta sharaǵa EO elderi eýropalyq ınstıtýttary men iskerlik orta ókilderi qosylmaq.

Forým qatysýshylary Qazaqstannyń ınvestıtsııalyq áleýeti jáne qazaq-nemis iskerlik áriptestigi bolashaǵy jónindegi oılary jáne baǵalarymen bólisýde.