Brıýsselde belgisiz bireý polıtseılerge shabýyl jasap, bireýin pyshaqtap óltirdi

BRıÝSSELЬ. QazAqparat – Brıýsselde belgisiz er adam polıtsııa qyzmetkerine pyshaq salyp óltirdi, al onyń áriptesi aýyr jaraqatpen aýrýhanaǵa tústi, dep habarlaıdy QazAqparat Euronews aqparat agenttigine silteme jasap.

Qaskúnemdi oqıǵa ornyna kelip jetken qosymsha kúshter ustap, ony da aýrýhanaǵa jetkizdi.

Belgili bolǵandaı, er adam temirjol vokzaly mańynda kezekshilikte júrggen tártip saqshylaryna shabýyl jasaǵan.

Jergilikti BAQ bul árekettiń lańkestik aktisi bolýy múmkin ekenin joqqa shyǵarmaıdy.

Le Soir basylymynyń jazýynsha, kúdikti shabýyldan birneshe saǵat buryn komıssarıattardyń birinde polıtsııany óltiremin dep aıqaılap júrgen.

Belgııanyń federaldy prokýratýrasy tergeý júrgizip jatyr. Lańkestik aktisi nusqasy áli resmı túrde rastalǵan joq.

Koroldik premer-mınıstri qaıtys bolǵan polıtseıdiń týystaryna kóńil aıtyp, zardap shekken áriptesiniń saýyǵyp ketýin tiledi.

Foto: ru.euronews.com