Brıýsselde Aýǵanstandaǵy NATO-nyń jańa mıssııasyn josparlaýdyń birinshi kezeńi maquldanady
BRıÝSSELЬ. 9 qazan. QazAqparat - Búgin Brıýsselde NATO-múshe-elderi qorǵanys mınıstrleriniń eki kúndik kezdesýi ashylady, ondaǵy basty taqyryptardyń biri - 2015 jyly bastalatyn Aýǵanstandaǵy alıanstyń jańa mıssııasyn josparlaýdyń alǵashqy kezeńin maquldaý bolmaq.
NATO-nyń baspasóz qyzmetiniń habarlaýynsha, bul mıssııa aýǵandyq ulttyq qaýipsizdik kúshterin oqytýdy, konsýltatsııalar berýdi jáne kómek kórsetýdi kózdeıdi. Qorǵanys vedomstvolarynyń basshylary bul mıssııanyń negizin bekitedi, ol josparlaý úderisimen aınalysatyn áskerı sarapshylar úshin basshylyqqa alýǵa qyzmet etedi. NATO bas hatshysy Anders Fog Rasmýssen óz aldyna alıanstyń jańa mıssııasyn jedel josparlaýdy 2013 jyldyń sońyna deıin aıaqtaý mindetin qoıdy.
«Bizdiń strategııamyz - aýǵan halqynyń qýatty qarýly kúshterin quryp, birtindep oǵan eldiń qaýipsizdigi úshin jaýapkershilikti berý», - dedi A.Rasmýssen Brıýsseldegi mınıstrler kezdesýiniń aldynda.
Onyń aıtýynsha, elden áskerdi alyp shyǵý kestesi ózgerissiz qalady, 2014 jyldyń sońyna deıin NATO-nyń Aýǵanstandaǵy aǵymdaǵy operatsııasyn aıaqtaý josparlanǵan. 2015 jyldan Soltústikatlantıkalyq alıanstyń basshylyǵy aýǵan qarýly kúshterin úıretýge jáne olarǵa kómek kórsetýge baǵyttalǵan jańa mıssııany bastaýdy kózdep otyr.
