Brıýsselde áskerı patrýlder sany qaıta artty
BRıÝSSELЬ. QazAqparat - Dúısenbiden bastap Brıýsselde torýyldaıtyn áskerıler sany 300 adamǵa ulǵaıyp, 1,8 myńǵa jetti. Bul týraly Belgııa qorǵanys mınıstrliginiń kásipodaǵy málimdedi.
«Qorǵanys mınıstrligi 11 sáýir, dúısenbiden bastap, Brıýssel kóshesin kúzetý úshin qosymsha 300 áskerı qyzmetshini jumysqa qabyldamaq, sebebi jańa metro stansasy ashylady», - dedi kásipodaq kóshbasshylarynyń biri Jıl Van Oostheıze.
Endi olardyń jalpy sany 1800 adam bolmaq.
Budan buryn STIB qoǵamdyq kólik operatory dúısenbiden bastap 22 naýryzdaǵy lańkestikten keıin astanalyq metropolıtenniń qosymsha 12 stansasy ashylatynyn málimdedi.
Eske salsaq, lańkestik oqıǵasy 22 naýryz kúni tańerteńgi ýaqytta oryn alǵan. Jankeshti terrorshylar Brıýssel áýejaıynyń ushyrylym zalynda eki jarylys jasady. Taǵy bir lańkestik «Maelbek» metro stansasynda oryn aldy, onyń janynda eýropalyq ınstıtýttar ǵımaraty ornalasqan. Resmı derekterge sáıkes, lańkestik saldarynan 300-den astam adam zardap shekti. Terrorshylardy qospaǵanda, qaza tapqandar sany - 32 adam.
