Brıýsselde alǵashqy shokolad jármeńkesin 30 myńǵa jýyq adam tamashalady
BRıÝSSELЬ. QazAqparat - Brıýsselde alǵashqy shokolad jármeńkesin tamashalaýǵa úsh kúnde 29 316 adam kelgen, dep habarlady is-shara uıymdastyrýshylary.
Alǵashqy jármeńke Belgııa astanasynda 7-9 aqpan kúnderi ótti. Úsh kún ishinde alańy 4 myń sharshy metr keshende shokolad salasyndaǵy tyń úderister kórsetildi. Kóp bóligi Belgııada óndirilgen 90-ǵa jýyq túrli shokolad brendteri usynyldy. Arasynda Belgııanyń Premer-Mınıstri Elto Dı Rýpo, belgııalyq mınıstrler, belgili saıasatkerler, ártister, mádenıet qaıratkerleri, dıplomattar bar myńdaǵan kelýshiler shokolad merekesin toılaýǵa, uly eýropalyq shokolad sheberleriniń jańa ónimderinen dám tatýǵa keldi. Belgııa álemdegi shokolad óndirýshi elderdiń úzdik bestigine kiredi. Onyń aýmaǵynda shokolad shyǵaratyn 450 kásiporyn jumys isteıdi. Sondaı-aq jylyna Belgııanyń ár turǵyny 10 keli kámpıt tutynady eken, bul kórsetkish boıynsha álemde Sheıtsarııadan keıin ekinshi el bolyp tabylady.
