Brıýssel áýejaıynda bombalardy aǵaıyndy Bakraýıler jarǵan
ASTANA. QazAqparat - Belgııa polıtsııasy taıaýda Brıýssel áýejaıynda qos lańkestik áreketti jasady degen kúdiktilerdi anyqtady. Bombalardy jarǵan jankeshtiler izdeýde bolǵan aǵaıyndylar bolyp shyqty, dep jazady RBK.
RTBF telearnasyna quqyq qorǵaý organdaryndaǵy derekkóz habarlaǵandaı, polıtsııa Brıýsseldegi áýejaıda bolǵan lańkestik áreketti Belgııa astanasynda turǵan aǵaıyndy Halıd pen Brahım El-Bakraýı jasaǵanyn anyqtady.
L'Internaute basylymynyń habarlaýynsha, polıtsııa aǵaıyndylardyń áýejaıǵa shabýyl jasaýǵa qatysyn qarastyrdy. Olar qylmystyq topqa qatysy bar degen kúdikpen izdeýde bolǵan.
