Brıýssel áýejaıy lańkestikten keıin eki aptaǵa jýyq ýaqyttan soń jumysyn ishinara qalpyna keltiredi
ASTANA. QazAqparat - Brıýssel áýejaıy jeksenbi kúni ishinara ashylady, dep málimdedi áýejaıdy basqarýshy kompanııa dırektory Arno Feıst áýe aılaǵynyń jumysyn qalpyna keltirý máselesi boıynsha ótken baspasóz máslıhatynda, dep habarlady RIA Novostı.
«Jeksenbi kúni Brıýssel áýejaıy ishinara jumys jasaıdy», - dep málimdedi Feıst. Bul kúni úsh ushyrylym júzege asyrylady: portýgalııalyq Farý qalasyna, ıtalıandyq Týrınge jáne Grekııa astanasy - Afınyǵa ushyrylady. Sonymen qatar ol áýejaı aǵymdaǵy jylǵy maýsymnyń sońynda nemese shildeniń basynda óz jumysyn tolyq qalpyna keltiretinin atap ótti. Aerovokzalda qosymsha qaýipsizdik sharalary engiziledi.
Eske sala keteıik, 22 naýryzda tańerteń Brıýssel halyqaralyq áýejaıynda eki jarylys bolǵan edi. Úshinshi jarylys keıinirek metronyń «Malbek» stansasy vagonynda boldy. Lańkestik akti saldarynan 32 adam qazaǵa ushyrady, taǵy 340 adam ártúrli dárejede jaralandy. Lańkestik shabýylyna jaýapkershilikti «Islam memleketi» sodyrlary óz moınyna aldy.
