Brıýs Ýıllıs pen Demı Mýr 16 jyldan soń qaıta úılenbek
ASTANA. QazAqparat - Gollıvýdtyń ataqty akterleri Brıýs Ýıllıs pen Demı Mýrdyń ajyrasqanyna 16 jyl bolǵanymen, buqaralyq aqparat quraldarynda tanymal juldyzdardyń qaıta úılenetini týraly málimet paıda boldy. Bul joly úılený shynaıy ómirde emes, teleekranda bolady. Burynǵy erli-zaıyptylar jańa kólemdi jobada rólderdi somdaıtyn boldy.
Qazirgi kezde akterler bir-birine ǵashyq adamdar týraly baıandalǵan stsenarıımen tanysý ústinde, dep jazady planet-today.ru.
BAQ-tyń habarlaýynsha, juptyń túsirý alańynda qaıta bas qosatyny týraly jańalyq olardyń jankúıerleri úshin erekshe syı boldy.
Akterler sońǵy ret 1991 jyly birlesip jumys jasalǵan. Olar «Qaterli oılar» («Smertelnye myslı») kartınasynda birge túsken. Ol kezde Ýıllıs pen Mýr úlgili otbasy bolǵan. Ataqty akterler 1987 jyly úılengen, olardyń otbasylyq ómiri 13 jylǵa sozylyp, sol ýaqytta úsh qyzy dúnıege keldi.
