Brıýs Ýıllıs kınodan ketti
NUR-SULTAN. QazAqparat - Amerıkalyq akter Brıýs Ýıllıs sóıleý qabiletiniń buzylýyna ákeletin afazııa aýrýyna shaldyǵýyna baılanysty mansabyn aıaqtaıdy, dep habarlaıdy QazAqparat.
Bul týraly akter Rýmer Ýıllıstiń qyzy Instagram jelisinde jazdy.
«Bizdiń súıikti Brıýs densaýlyǵyna qatysty máselelerge tap boldy jáne jaqynda onyń kognıtıvti qabiletterine áser etetin afazııa dıagnozy qoıyldy. Bárin oılastyrǵan Brıýs ózi úshin mańyzdy bolǵan karerasynan bas tartty», dep jazdy Rýmer Ýıllıs .
Jurtshylyqqa arnalǵan úndeýge Brıýstiń áıeli Ýıllıs Emmı, sondaı-aq onyń burynǵy zaıyby Demı Mýr jáne onyń balalary qol qoıǵan.
Afazııa - mıdyń zaqymdanýynan týyndaýy múmkin sóıleýdiń buzylýy. Afazııa nátıjesinde sóıleý, túsiný, oqý, jazý qabileti joıylýy múmkin.
Brıýs Ýıllıs 1955 jyly 19 naýryzda Idar-Obershteın qalasynda (Germanııa) dúnıege kelgen. Ákesi amerıkalyq, al sheshesi nemis.
«Krepkıı oreshek», «Krımınalnoe chtıvo», «Armageddon» ı «Pıatyı element».
Ol «Myqty jańǵaq», «Qylmystyq oqýlyq» «Armageddon» jáne «Besinshi element» fılmderindegi rólderimen tanymal boldy. 1987 jyldan 2000 jylǵa deıin aktrısa Demı Mýrmen birge turdy. 2009 jyly ol aǵylshyn aktrısasy Emma Hemıngke úılendi.
