Brıýs Lıdiń jeke zattary aýtsıonǵa qoıylmaq
ASTANA. 30 qazan. QazAqparat - Belgili akter Brıýs Lı (1940-1973) shyǵarmashylyǵyna tabynýshylarǵa búgin aýktsıonnan onyń jeke zattaryn, sondaı-aq ańyzǵa aınalǵan akterdiń jattyqtyrý kezinde qoldanǵan sport buıymdaryn alýdyń múmkindigi týdy, dep habarlaıdy ITAR-TASS.
AQSh-taǵy Neıt Sanderstiń aýktsıondyq úıi saýda-sattyqqa 26 lot - kıim, aıaq kıim, hattar, fotosýretter jáne akterdiń sport jabdyqtaryn usynady. Aýktsıon onlaın-rejımde jáne jergilikti ýaqyt boıynsha saǵat 17:00-de aıaqtalady (Máskeý ýaqyty boıynsha saǵat 04:00-de).
Lottar arasynda akterdiń qońyr zamsh kostıými bar, Brıýs Lı ony "Belgisiz suhbat" derekti fılmine (Bruce Lee: The Lost Interview, 1994) kıip túsken edi.
Saýda-sattyqqa, sondaı-aq boksqa arnalǵan bylǵary qolǵap, birneshe syńar sport aıaq kıimi, qońyr bylǵarydan jasalǵan jazǵy aıaq kıimder usynylǵan. Tabynýshylar, sonymen birge gantelder, boksqa arnalǵan «Atlas» aýyr jastyǵy, shombal bylǵary bilezigi bar «Taımeks» qol saǵatyn, aǵash qolsaby bar aq tústi sekirgishti jáne kóptegen basqa zattardy ala alady.
Lottardyń baǵasy 500 dollardan bastap 72 myń dollar kóleminde saýdaǵa túsedi.
