Brıanskide káriz qubyryna qulap ketken 1,5 jastaǵy balanyń denesi áli tabylǵan joq
ASTANA. 9 qańtar. QazAqparat - TJM-niń qutqarýshylary jergilikti ýaqyt boıynsha saǵat 16.00-de Brıanskidegi káriz qubyry tereńdiginiń 80 paıyzyn qarap shyqty.
Esterińizge sala keteıik, keshe káriz qubyryna 1,5 jastaǵy bala qulap ketken edi. Bul týraly ITAR-TASS agenttigi habarlady.
Brıansk oblysy boıynsha TJM bas basqarmasy baspasóz qyzmetiniń jetekshisi Oleg ıAnkovtyń habarlaýynsha, 1 táýlikten astam ýaqyt boıy júrgizilip jatqan izdestirý jumystary eshqandaı nátıje bermeı otyr, balanyń denesi áli tabylǵan joq.
ıAnkovtyń sózine qaraǵanda, izdestirý jumystaryn 65 adamnan turatyn qurammen jáne 24 birlik tehnıkamen 10 brıgada júrgizip jatyr.
