Brussels Airlines ereýilge baılanysty reısterdiń 75% toqtatty
BRıÝSSELЬ. QazAqparat - Dúısenbi kúni Brussels Airlines belgııalyq áýe kompanııasy ushqyshtardyń ereýiline baılanysty reısterdiń 75% toqtatty, dep habarlaıdy «QazAqparat» HAA menshikti tilshisi.
Dúısenbi jáne sársenbi kúnderi ereýil jarııalaǵan ushqyshtar eńbek jaǵdaıyn jaqsartýdy jáne jalaqyny kóterýdi talap etýde.
Ushqyshtardyń eki kúndik ereýili saldarynan 600 reıs pen 60 myńǵa jýyq jolaýshy joldan qaldy. Brussels Airlines áýe kompanııasy keltirilgen zalaldy 10 mln eýro dep baǵalaýda.
Dúısenbi kúni tańerteń kompanııa basshylyǵy men ushqyshtar kásipodaǵy arasynda kelissózderdiń jańa kezeńi bastaldy.
