Brýk Rollıns AQSh Aýyl aýyl sharýashylyǵy mınıstri bolýy múmkin

ASTANA. KAZINFORM – AQSh-tyń saılanǵan prezıdenti Donald Tramp óziniń bolashaq ákimshiligin jasaqtaýdy aıaqtady. Bul jaıynda BBC jazdy.

Tramp jańa Ákimshiliginiń sońǵy múshesi retinde Brýk Rollınsti eldiń Aýyl sharýashylyǵy mınıstrliginiń basshysy laýazymyna usynyp otyr. Aıta keterligi, Donald Tramp birinshi prezıdenttik merzimin atqarǵan ýaqytta Rollıns Іshki saıasat jónindegi keńesti basqarǵan. Odan keıin ol Tramptyń saıası jáne ekonomıkalyq ıdeıalaryn ilgeriletý úshin qurylǵan America First Policy Institute saraptamalyq ortalyǵynyń atqarýshy dırektory boldy. Aq úıdiń basshysy laýazymyna úmitkerler qatarynda onyń da kandıdatýrasy qaralǵan edi. Alaıda, bul qyzmet Tramptyń salaýaldy naýqanyn basqarǵan Sıýzı Ýaılske buıyrdy.

Buǵan deıin Tramp óziniń bolashaq ákimshiligine alǵashqy taǵaıyndaýlardy jarııalaǵan bolatyn. Sodan keıin ol Pentagon men TsRÝ basshylaryn atady jáne Maskqa úkimettiń tıimdilik departamentin basqarýdy usyndy. 

Ol sondaı-aq Densaýlyq saqtaý mınıstrliginiń basshysy laýazymyna kishi Kennedıdiń kandıdatýrasyn usyndy, AQSh Memlekettik departamenti men Ulttyq barlaý basqarmasynyń basshylaryn jáne Aqúıdiń jańa baspasóz hatshysyn taǵaıyndady. 

Sonymen qatar, Tramp AQSh-tyń energetıka mınıstri laýazymyna Liberty Energy munaı kompanııasynyń basshysyn tańdady.