Brýk Golovkınnen jeńilgen soń jartylaı orta salmaqqa qaıta oralýǵa bel býdy
ASTANA. QazAqparat - Brıtandyq boksshy Kell Brýk (36-1, 25 KO) 2014 jyldan bastap IBF nusqasy boıynsha jartylaı orta salmaqta chempıon tıtýlyna ıe.
Keıingi kezderi brıtandyqtyń birinshi orta salmaqqa kóshýi múmkin degen boljam jıi aıtylyp júr. Biraq Brýktyń ózi IBF nusqasy boıynsha óz tıtýlyn qoldan bergisi joq.
«Men keshe Eddımen (Hırn, Brýktyń promoýteri) kezdesip, oǵan óz tıtýlymdy berýge daıyn emes ekendigimdi aıttym. Birinshi orta salmaqta meniń múmkindikterim bar jáne osy salmaq maǵan laıyqty da sııaqty. Biraq ta men óz kúshimmen ter tógip alǵan tıtýlymdy ońaılyqpen qoldan bermeımin», - degen Brýktyń sózin keltiredi BoxingScene.
Esterińizge salaıyq, qyrkúıekte Brýk orta salmaqtaǵy Gennadıı Golovkınnen tehnıkalyq nokaýtpen jeńilgen bolatyn.
