Brýk Golovkınmen jekpe-jekten keıin: aıqas der kezinde toqtatyldy
ASTANA. QazAqparat - Táýlik buryn orta salmaq (72,6 kelige deıin) kóshbasshysy Gennadıı Golovkınnen (36-0, 33 KO) jeńilip qalǵan jartylaı orta salmaqtaǵy (66,7 kelige deıin) IBF tujyrym boıynsha álem chempıony brıtandyq Kell Brýk (36-1, 25 KO) aıqasty toqtatý týraly bapkeri Domınık Ingldiń oramal laqtyrýyn ýaqtyly jasalǵan durys qadam dep sanaıdy, Bul týraly Sports.kz. jazdy.
Eske salsaq, Golovkın Brýkty 5 raýndta soqqynyń astyna alǵanda, brıtandyqtyń bapkeri jarysty toqtatýyn talap etti.
«Ekinshi raýndtan keıin bapkerime: «Domınık, oń kózim kórmeı qaldy» dedim, - dedi brıtandyq Sky Sports bergen suhbatynda. - ol meni bala kezimnen biledi, ákem sııaqty desem de bolady. Men soqqynyń astynda qaldym... toqtatqany durys sheshim boldy, áıtpegende arty jaqsy bolmas edi... keleshekte taǵy kezdesemiz degen úmittemin».
«Jeńilgenime renjip turǵanymdy jasyrmaǵanymmen, jankúıerlerime myqty boksshyǵa qarsy tartysty oıyn kórsetkenim úshin ózimdi baqytty sezinemin. Osydan keıin birden joǵary deńgeıdegi aıqasqa oralamyn dep oılaımyn. Táýekeldi aıqasta baǵymdy synap kórdim, endi betimnen taımaımyn», - dedi Kell.
