11:55, 02 Qarasha 2021 | GMT +6
Brondalǵan tehnıka, avıatsııa: Qazaqstanda Ózbekstanmen birlesken oqý-jattyǵý ótip jatyr
NUR-SULTAN. QazAqparat - Gvardeısk garnızonynda Qazaqstan men Ózbekstan Respýblıkalary Qarýly Kúshteriniń arnaıy maqsattaǵy bólimsheleri arasynda birlesken taktıkalyq-arnaıy oqý-jattyǵý bastaldy, dep habarlaıdy QazAqparat.
«Qalqan-2021» oqý-jattyǵýyna elimizden 250-ge jýyq áskerı qyzmetshi, 40-tan astam brondalǵan jáne avtomobıl tehnıkasy, on birlik avıatsııalyq tehnıka, sonymen qatar ushqyshsyz ushý apparattary qatysyp jatyr.
«Oqý-jattyǵý barysynda eki eldiń áskerı qyzmetshileri qosymsha taktıkalyq jasaq quramynda birlesken arnaıy operatsııany uıymdastyrý jáne ony ótkizý máselelerin pysyqtaıdy», - delingen QR Qorǵanys mınıstrliginiń habarlamasynda.
Qazaqstan men Ózbekstan Qarýly Kúshteriniń arnaıy maqsattaǵy bólimsheleri arasyndaǵy «Qalqan-2021» birlesken taktıkalyq-arnaıy oqý-jattyǵýy bıylǵy jyldyń 5 qarashasynda aıaqtalady.
